عزم وارادہ پختہ ہو تو آسانی سے اپنے مقصد میں کامیاب ہوسکتے ہیں
ایم وی ایس گورنمنٹ کالج محبوب نگر میں توسیع لیکچر وتہنیتی تقریب ( یونیورسٹی ٹاپر)سے نعیم جاوید و دیگرکا خطاب
محبوب نگر۔17ا گسٹ(ای میل)ہمت ،حوصلہ ،عزم وارداہ شخصیت میں خود اعتمادی بخشتا ہے۔اکیسویں صدی کے طالب علم کا ان صلاحیتوں کو اپنے اند ر پیدا کرنا ضروری ہے تاکہ زمانے کے ساتھ ہم آہنگ ہوکرکا میاب زندگی گزارسکیں۔طلبہ ڈر و خوف کو اپنے اندر سے نکال باہر کریں جو بھی کام ہو اس کیلئے مثبت فکر رکھنی چاہئے اور کچھ کرنے کا عزم ہی انھیں اپنی منزل پر پہنچائے گا ان خیالات کا اظہار جناب نعیم جاویدڈائر کٹرو ٹرینر ہدف(دمام سعود عربیہ) نے آج ایم وی ایس گورنمنٹ ڈگری وپی جی کالج میں شعبہ سماجی علوم کی جانب سے منعقد ہ توسیع لیکچر’’ڈر وخوف سے نجات ‘‘کے عنوان سے کیا۔ انہوں نے اپنے لیکچر میں مزید کہا کہ عزم و پختہ ارداہ کے ذریعے ہی منزل کی راہ آسان و ہموار ہوگی ۔طالب علم اپنے مستقبل کو درخشاں بنانے کی فکر کے ساتھ آگے بڑھیں۔اگر عزم ہو، دلچسپی ہو
،لگن ہو تو فرد کیلئے بڑی سے بڑی رکاوٹ بھی اس کے عزائم کو کمزور نہیں کرسکتی ۔انہوں نے طلباء کو مشورہ دیا کہ شخصیت کے ارتقاء پر اپنی توجہہ مرکوز کریں قبل ازیں ڈاکٹر شیخ سیادت علی انسپکٹنگ اٹھاریٹی مولانا آزاد ایجوکشن فاودنڈیشن نے اپنے خطاب میں کہاکہ طلبہ علم کے حصول میں لاپروہی ،سستی اور کاہلی کا مظاہرہ نہ کریں بلکہ سنجیدگی سے کامیابی کے زینے طئے کریں۔محمد وزیر نائب پرنسپل نے اس پروگرام کی صدارت کی اور یونیورسٹی ٹاپر طالبہ ثمینہ بیگم کی تہنیت کی اور انعامات تقسیم کئے۔اس پروگرام میں جناب نعیم جاوید اور ڈاکٹر شیخ سیادت علی کوبھی تہنیت پیش کی گئی اس پروگرام کو ڈاکٹر محمد عبدالعزیز سہیل لیکچرار نظم ونسقِ عامہ،عارفہ جبین لیکچرار تاریخ نے بھی مخاطب کیا پروگرام کے آغاز میں محی النساء،طہورہ بیگم نے ترانہ ہندی پیش کیا۔پرگرام کا اختتام سلمہ بیگم لیکچرار کے شکریہ پر ہوا ،آفرین سلطانہ لیکچرار معاشیات نے نظامت کے فرائض انجام دئے۔ اس موقع پرسالانہ امتحانات میں اعلی نشانات حال کرنے والے طلبہ کو اانعامات پیش کئے گئے۔اس لیکچر میں طلباء و طالبات کی کثیر تعداد نے شرکت کی۔
شعبۂ نشرواشاعت ۔ ڈاکٹر محمد عبدالعزیزسہیل لیکچرار نظم ونسق عامہ
