کراچی اور کرچیاں
از۔ غزالہ پرویز
کراچی ۔ پاکستان
پھر ۔۔۔ اپنا شہر لہو لہو ہے ۔۔
شہر سنسان ہے کدھر جائیں ۔۔۔۔۔۔۔۔۔۔۔۔۔۔
اداسی بال کھولے سو رہی ہے ۔۔۔۔۔
یہ سناٹا کس نے بو دیا شہر میں ؟ ۔۔ یہ نفرتیں کہاں سے اُگ آئیں دلوں میں ؟
کہاں گئ انسانیت ؟ ۔۔۔ ہم کیوں مسلمان نہیں رہے ؟
ہمارا ضمیرمرچکا ہے ۔۔۔۔ مگرکس نے مارا ہوگا؟
کیوں ہمیں احساس نہیں کہ ہمارا شہر لہو لہو ہُوا جاتا ہے دستِ قاتل سے ۔۔۔
یہ "نامعلوم دہشت گرد” کون ہیں ؟ ۔۔۔ یہ کیوں "نامعلوم ” ہیں ؟؟؟ کب تک "نامعلوم ” رہیں گے ؟؟ یا ہم معلوم کرنا ہی نہیں چاہتے ؟؟ ۔۔۔
وہ کون لوگ ہیں جنہیں ہنگامہ جنگ و جدل میں کیف ملتا ہے ؟
وہ کون ہیں جن کی فطرت کو خوں ریزی سے رغبت ہے ؟
کیوں نسلِ آدم و حوا بلک بلک کے مر رہے ہیں ؟
کیوں سہمی سہمی سی فضا ہم پہ مسلط کر دی گئ ہے ؟
سبھوں کی آنکھوں سے لہو ٹپک رہا ہے ، ہر شخص فریاد کناں ہے ۔۔۔
چاہے شیعہ ہو یا سنی ، یا پھر آرمی کے اولاد ۔۔۔ سب کے سب ہمارے ہیں، سب ہمارے ہیں، سب ہمارے ہیں ۔۔۔۔۔ یہ ملک ہمارا ہے ، یہ شہر ہمارا ہے۔۔۔ یہ سوچ کہاں گئ ؟؟؟؟
اگر یہ ہمارا ہے تو پھر کہاں سے بارود کی بوجھل بُو آبسی اس شہر میں ؟؟؟
کیوں تعمیر کے روشن چہرے پر،،، تخریب کا بادل پھیل گیا؟؟
کیوں ہر گاؤں میں وحشت ناچ اٹھی ،ہر شہر میں جنگل پھیل گیا ؟؟
کیوں بہت دنوں سے ہے،، یہ مشغلہ سیاست کا
کہ جب جوان ہوں بچے،،، تو قتل ہو جائیں ؟؟
کیوں بہت دنوں سے،،، یہ ہے خبط حکمرانوں کا
کہ دور دور کے ملکوں میں قحط بو جائیں ؟؟
کیوں ؟؟؟
کیا صرف "احتجاج” اور "سوگ” حل ہے ؟؟؟ یا ٹی وی کے چینل پہ بیٹھ کر چونچیں لڑانا اور ایک دوسرے پہ الزام تراشی حل ہے ؟؟؟
ان تلخ مباحث سے بھلا کیا حاصل؟
کیوں ایک زخم بھرتا نہیں کہ نیا لگ جاتا ہے ؟ کیوں ؟ کیوں ؟
کس کس کا خون شہر کی رگوں میں ہے موجزن ؟؟ کیوں ہم سب لہو کے حصار میں ہیں ؟؟
لوگ کہتے ہیں "لہو کا بہنا کبھی رائگاں نہیں جاتا” ۔۔۔ پھر ؟؟ ۔۔۔ پھر کیوں ہمارا لہو اپنی قیمت کھو بیٹھا ہے ؟؟؟
کیوں ہم سب صرف لہو رو رہے ہیں ؟؟؟ کیوں ہمارے ہاتھوں میں دم نہیں رہا ؟؟
کیوں ہر موڑ پہ لاشیں مل رہی ہیں پر ڈھونڈنے سے ایک قاتل نہیں ؟؟؟
کیوں کُھلنے لگے مقتل بھرے بازار کے بیچ ؟؟؟
کیا مالِ غنیم تھا مرا شہر ؟؟
کیوں لشکریوں میں بٹ گیا ہے ؟؟؟
۔۔۔۔۔۔۔۔۔۔۔۔۔۔۔۔۔۔۔۔۔۔۔
چلو، کہ چل کہ سیاسی مقامروں سے کہیں
کہ ہم کو جنگ و جدل کے چلن سے نفرت ہے
جسے لہو کے سوا،،، کوئی رنگ راس نہ آئے
ہمیں حیات کے،،،،،، اس پیرہن سے نفرت ہے
کہو کہ،،،،،،،، اب کوئی قاتل اگر ادھر آیا
تو ہر قدم پہ،،،، زمیں تنگ ہوتی جائے گی
اُٹھو کہ آج ہر اک جنگجو سے یہ کہه دیں
اس ارض پاک پہ وحشی نہ چل سکیں گےکبھی
ہمارا خون،،،،،،،،،،،،،، امانت ہے نسل نو کے لئے
ہمارے خون پہ،،،،، لشکر نہ پل سکیں گے کبھی
کہو کہ آج بھی،،، ہم سب اگر خموش رہے
تو اس دمکتے ہوئے، خاکداں کی خیر نہیں
زمیں کی خیر نہیں،، آسمان کی خیر نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چلو اُٹھ کھڑے ہوں ۔۔۔
اپنے وطن کی خاطر ۔۔۔
اپنے خاطر ۔۔۔۔۔۔۔
انسانیت کی خاطر ۔۔۔۔۔
چلو اُٹھو ۔۔۔۔۔۔۔۔
اب اُسکو اختیار ہے تاثیر دے نہ دے
دستِ دعا ہم آج اُٹھاۓ ہوۓ تو ہیں ۔۔۔
غزالہ پرویز
