/30اپریل کوحیدرآباد میں سمینارو بین الریاستی مشاعرہ
حلیم بابر صدر عابد علی خان میموریل اکیڈیمی محبوب نگر کی اطلاع کے بموجب عابد علی خان میموریل اکیڈیمی محبوب نگر کی جانب سے قومی کونسل برائے فروغ اردو زبان نئی دہلی کے اشتراک سے ایک روزہ سمینار ومشاعرہ بعنوان ’’دکن میں ڈاکٹر علی احمد جلیلی کی علمی و ادبی خدمات‘‘ کا 30 /اپریل2015ء بروز جمعرات4بجے اردو گھر مغل پورہ حیدرآباد پرانعقاد عمل میں لا یا جارہا ہے۔اس سمینار کا مقصد دکن کے ممتاز و نامورادیب،شاعر،محقق،نقاداورمایہ نازاستاد سخن’’ ڈاکٹر علی احمد جلیلیؔ ‘‘فرزند فصاحت جنگ جلیلؔ مانکپوری کی علمی وادبی خدمات کو اجاگر کرنے اور انکی خدمات کا اعتراف کرتے ہوئے انھیں خراج پیش کرنا ہے۔اس سمینار کی صدارت دردمند ملت الحاج جناب زاہد علی خان ،مدیر اعلیٰ روزنامہ سیاست حیدرآبادفرمائیں گے۔مہمانِ خصوصی:محب اُردوپروفیسر ایس اے شکور،ڈائرکٹر تلنگانہ اُردو اکیڈیمی ،حیدرآباد ہو نگے۔ مہمانانِ اعزازی میں عالیجناب محمد رحیم الدین انصاری ،سابق صدرنشین اُردواکیڈیمی آندھراپردیش،عالیجناب رشید جلیلی،ممتازشاعر،ڈاکٹر عابد معیز ،ڈاکٹر م۔ق۔
سلیم شرکت کریں گے۔پروگرام کا آغاز قاری انیس احمد کی قرآت کلام پاک ،خان اطہر کی حمد بارتعالی ،ڈاکٹر طیب پاشاہ قادر ی کی نعت شریف سے ہوگا۔کلیدی خطبہ:ڈاکٹر عقیل ہاشمی ،سابق صدرشعبہ اُردوجامعہ عثمانیہ حیدرآباددیں گے۔پروفیسر مجید بیدار سابق صدر شعبہ اُردو جامعہ عثمانیہ حیدرآباد،پروفیسر فاطمہ پروین سابق وائس پرنسپل جامعہ عثمانیہ حیدرآباد،ڈاکٹر حمیرہ جلیلی صاحبہ،ڈاکٹر فضل اللہ مکرم چیرپرسن بورڈ آف اسٹڈیز ،اورینٹل اُردو عثمانیہ حیدرآباد،ڈاکٹر مسعود جعفری ،جناب نادر المسدوسی مقالات پڑھیں گے۔ادبی اجلاس کے فوری بعدبین الریاستی مشاعرہ جناب رشید جلیلی ؔ کی صدارت میں منعقد ہو گا ۔جس میں حیدرآباد کے شعراء اکرام ڈاکٹر عقیل ہاشمیؔ ،اثرؔ غوری،پروفیسرمجیدبیدارؔ ،صادق نویدؔ ،ڈاکٹر راہیؔ ،سلطان شطاریؔ ،ڈاکٹر فاروق شکیل،یوسف روش،ضیاء عرفان حسامیؔ ،سردار سلیمؔ ،ؔ اسدثنائیؔ ،،شاہد عدیلیؔ ،فرید سحرؔ ،طاہر گلشن آبادیؔ ،فاروق عارفیؔ ،ؔ ڈاکٹرطیب پاشاہ قادریؔ ،نادر المسدوسیؔ ،استھانہ سحر،ؔ ،ڈاکٹر فرید الدین صادقؔ ،ظفر فاروقیؔ ،اطیب اعجاز،نور الدین امیرؔ ،ابراہیم خان ایازؔ ،تشکیل رزاقیؔ کے علاوہ خاتون شعراء حناء شہیدیؔ ،تسنیم جوہرؔ ؔ ،عاصمہ خلیلؔ ،ؔ ۔بیرونی شعراء میں ڈاکٹر افتخار شکیل (رائچور)زاہد ہریانوی،تاج مضطر(ورنگل)،سید ریاض تنہا،رحیم قمرؔ (نظام آباد) ،حفیظ انجمؔ (کریم نگر) ،اظہر کورٹلوی(کورٹلہ)اپناکلام پیش کریں گے ۔ان کے علاوہ محبوب نگرسے وابستہ ممتازشعراء اکرام بھی کلام سنائیں گے۔اس دلنواز محفل شعروادب میں بزرگ شاعر حضرت نور آفاقی،عمدۃ الشعراء محبوب نگر اوردبستان جلیل کے ممتازشاعر جناب رشید جلیلی کو ان کی اعلی شعری خدمات کے اعتراف میں ادبی ایورڈ پیش کیا جائے گا۔ادبی اجلاس کی نظامت نادرالمسدوسی اورمشاعرہ کی نظامت ڈاکٹر سلیم عابدی کریں گے۔اس موقع پرحلیم بابر نے ادب دوست احباب سے سمینار و مشاعرہ میں شرکت کی پرخلوص خواہش کی ہے ۔
حلیم بابر کنوینر
