پوسٹ گرائجویٹ میں داخلے
عثمانیہ یونیورسٹی نے پوسٹ گریجویٹ کورسیس میں داخلوں کیلئے انٹرنس ٹسٹ کا اعلامیہ جاری کردیا ۔ پی جی ڈائرکٹوریٹ عثمانیہ یونیورسٹی میں پروفیسر سی ایچ گوپال ریڈی اور جوائنٹ ڈائرکٹر پروفیسر کشن نے کہا کہ انٹرنس امتحان 52 سبجیکٹس کیلئے منعقد ہوگا ۔ عثمانیہ یونیورسٹی سیٹ 2015 میں رینک حاصل کرنے والوں کو عثمانیہ یونیورسٹی پالمورو یونیورسٹی مہاتما گاندھی اور تلنگانہ یونیورسٹیز میں داخلے دئے جائیں گے ۔ ان امتحانات کیلئے درخواستیں 15 اپریل سے 13 مئی تک کسی جرمانہ کے بغیر اور 300 روپئے جرمانہ کے ساتھ 13 مئی تک قبول کی جائیں گی ۔ انٹرنس امتحان جون کے پہلے ہفتے میں منعقد ہوگا اور نتائج کا جون کے آخری ہفتے میں اعلان کرنے کے بعد جولائی کے پہلے ہفتے میں کونسلنگ کا عمل شروع ہوجائیگا ۔
